Краставиците се вид на зеленчук што многу луѓе сакаат да го јадат во потоплите денови, а особено во текот на летото кога многу луѓе ги јадат како додаток во оброците или уживаат во краставиците како освежителна закуска. Овој зеленчук се состои од речиси 95 проценти вода и е нискокалоричен, што го прави уште подобар избор за јадење во текот на летните месеци.
Освен што е вкусна и освежителна храна, редовното консумирање на краставицата се поврзува и со различни здравствени придобивки, како што се слабеење, подобар крвен притисок и слично. Еве седум здравствени придобивки поврзани со редовното јадење на овој популарен зеленчук.
Го подобруваат здравјето на кожата
Краставиците содржат многу вода и антиинфламаторни својства кои можат позитивно да влијаат на здравјето и изгледот на кожата. Ако се консумираат често, со текот на времето можат да ја ублажат иритацијата, да го намалат отокот и да и дадат освежен изглед на кожата. Покрај јадењето, популарно е да се користат и во нега на кожата, особено да се ставаат на очите за да се намали отокот и да се намалат темните кругови.
Содржи хранливи материи
Краставиците немаат многу калории, но се добар извор на хранливи материи. На пример, краставиците содржат витамини Ц и К, калиум, магнезиум и манган – сите хранливи материи кои го поддржуваат целокупното здравје. Јадењето краставици во различни комбинации помага да се внесат потребните хранливи материи во организмот, а со оглед на малиот број на калории, не треба да се плашите од количината што сакате да ја внесете.
Помагаат при одржување хидратацијата
Според Health Shots, краставиците се 95 проценти вода, што ги прави одличен зеленчук кој ќе ви помогне да бидете хидрирани. Јадењето краставици помага да се одржи доволна количина течност во телото, особено за време на топли денови или по интензивна физичка активност, како што е тренингот.
Помагаат за слабеење
Поради високата содржина на вода и ниската калорична содржина, краставиците се идеална храна за секој кој сака да изгуби тежина. Овие зеленчуци ќе ви помогнат да се чувствувате сити и да спречите прејадување, а со тоа ќе го намалите вкупниот внес на калории.
Содржат антиоксидантни својства
Краставиците се богати со антиоксиданси, вклучувајќи флавоноиди и танини, кои помагаат во борбата против оксидативниот стрес и го намалуваат воспалението во телото. Овие антиоксиданси можат да го намалат ризикот од развој на хронични болести, пренесува Health Shots.
Го промовираат варењето
Еден од зеленчуците кој позитивно влијае на здравјето на дигестивниот систем се краставиците, а причината е содржината на влакна кои се наоѓаат во нив. Содржината на влакна во краставиците влијае на правилното и добро функционирање на дигестивниот систем. Јадењето краставици помага за регулирање на работата на цревата, спречува запек и влијае на целокупното здравје на цревата.
Помагаат да се контролира нивото на шеќер во крвта
Покрај сето горенаведено, краставиците можат да помогнат и во контрола на нивото на шеќер во крвта. Според Health Shots, јадењето краставици може да помогне да се намали нивото на шеќер во крвта и да се спречат компликации поврзани со дијабетес. Краставиците содржат низок гликемиски индекс, што ги прави одлична храна за дијабетичари.
