Утрински Весник
Македонија

Се уште нема налепници со кодот НМК а илјадници возачи имаат помалку од два дена рок да ги залепат на своите регистрации

Станиците за технички преглед во Скопје, денеска останаа без налепниците НМК за регистарските таблички иако МВР најави дека тие ќе бидат доставени утрово.

Екипа на 24инфо.мк беше во три станици за технички преглед низ Скопје каде ни беше кажано дека налепници НМК се уште немаат добиено.

Други медиуми објавуваат дека и во Куманово и во Велес се уште нема доставено налепници за регистрации со ознаката НМК.

МВР и техничкиот министер претходно информираа дека денеска налепниците ќе ги има на сите технички центри во државата и иако се уште не знаат за колку возила се потребни, сметаат дека набавената количина ќе биде доволна за сите, а ако се појави недостиг ќе се набават и дополнителни количини.

Само помалку од два дена ќе имаат илјадници македонски возачи кои возат без кодот НМК да најдат и да залепат налепница со новиот код, имајќи предвид дека станиците за технички преглед најчесто не работат во недела, а саботата ја работат со скратено работно време.

Обврската за задолжително користење на кодот НМК на сите регистарски таблички стапува на сила в понеделеник 12 февруари.

Можете да прочитате

Битиќи до Славески: Оваа Влада го зголеми стандардот на нашите сограѓани за точно 10 процентни поени

Тошковски: Однесувањето на премиерот Џафери спрема вработените во МВР е недозволиво

Османи, Ванковска и Димитриевски надминаа над 1.000 собрани потписи