Два воза се судриле синоќа во Словачка откако едниот се удрил во задниот дел на другиот, при што се повредени десетици патници, соопштија полицијата и словачкиот министер за внатрешни работи.
„За среќа нема починати лица“ соопшти словачкиот министер за внатрешни работи.
Несреќата се случила во коридорот помеѓу главниот град Братислава и Пезинок, 20 километри североисточно.
Новинската веб-страница Aktuality.sk цитираше патник кој го опишал судирот како гласен експлозивен звук. Ова е втора ваква несреќа во Словачка во изминатиот месец. Два воза се судрија на истокот од земјата на 13 октомври, при што беа повредени 91 лице.
