Од безбедносни причини, вработените на корисничкиот енергоцентар во Куманово ги напуштија работните места.
Од таму велат дека поради безбедносни причини и непостоење на услови за работа, тие ги напуштаат работните простории.
Ова, откако стасаа информации дека група на револтирани граѓани насилно влегла во просториите на ЕВН.
Се до создавање на нормални услови за работа, корисничкиот енергоцентар на ЕВН во Куманово нема да работи, велат од таму.
Претходно пак селата Оризари и Слупчане во кумановско останаа без електрично напојување по дефектот предизвикан од мештаните по упад во мрежата.
Министерот за економија пак повика сите граѓани во државата редовно да си ги намируваат обврските што ги имаат кон енергетските компании.
