Во клучен период за иднината на државата, време е за глас за Европа во македонското собрание, велат од СДСМ преку соопштение.
Мицкоски, како и за сите суштински и стратешки прашања, велат од СДСМ, прибегнува кон својата вообичаена практика за бегање од одговорност, немање став и пласирање лажни вести.
„Не е време за нови бесмислени измислици што немаат никаква врска со реалноста, туку момент на вистината за Мицкоски, јавно да каже кој е неговиот став за иднината на државата.
Христијан Мицкоски да не бега и конечно да одговори дали ВМРО-ДПМНЕ ќе се приклучи на европскиот блок или ќе остане во заложништво на Левица, во нивниот антиевропски, проруски деструктивен блок“, се наведува во соопштението на СДСМ.