Утрински Весник
Македонија

Сашко Коцев го негира инцидентот: Не знаев дека се полициска придружба, брзав, детето ми плачеше позади

Sashko Kocev E Avtorot Na Makedonskata Teatarska Poraka Po Povod Svetskiot Den Na Teatarot 304018.jpg

Актерот Сашко Коцев тврди дека не удрил во полицаец откако низ медиумите се појавија вести дека удрил со возило во полицаец, по што го напуштил местото.

Актерот Коцев за „Слободен печат“ вели дека не го удрил полицаецот со своето возило, ниту пак знаел дека се работи за полиција.


– Не ги видов дека биле полицајци. Беа во цивилка, не знаев дека се полициска придружба. Не беа униформирани. Јас ги прашав кои сте вие да блокирате пат и си продолжив со возилото, а тој ми одговори „сега ќе видиш ој сум“. Јас брзав, детето ми плачеше позади. Но, не го удрив, тој се поттргна, посочи Коцев за СП.

Според полицискиот билтен, околу 19.15 част во Скопје, на подрачјето на Центар, С.К., управувајќи возило „фолксваген“ не застанал на знак за запирање даден од полициски службеник кој извршувал службени дејствија, агресивно се однесувал, по што со возилото го удрил полицискиот службеник и го напуштил местото.

Се превземаат мерки за расчистување на случајот.

Можете да прочитате

Македонски наркобос уапсен на аеродромот во Женева и екстрадиран во Австрија

Николовски во Аргумент плус: Запленетата дрога на граничниот премин Богородица на црниот пазар би чинела 7,7, илјади евра

Груевски за случајот Фросина: Само повеќе полиција на улиците