Американскиот претседател Џозеф Бајден не планира да се извини во име на САД за употребата на атомската бомба во нападот на Хирошима во 1945 година, изјави советникот на Бајден, Џејк Саливан, за време на летот за Јапонија, каде што американскиот претседател ќе присуствува на самитот на групата седум (Г7) во Хирошима.
Саливан изјави дека Бајден, како еден од лидерите на Г7, ќе ѝ оддаде почит на историјата и на јапонскиот премиер Фуми Кишида.
Ова е втора посета на Бајден на Јапонија откога ја презеде функцијата во јануари 2021 година.
