Министерот без ресор задолжен за интеграција и имплементација на Стратегијата за инклузија на Ромите 2022–2030, д-р Шабан Салиу, заедно со аташето од Амбасадата на Сојузна Република Австрија во Македонија, Харалд Фугер, и со здружението на граѓани „Љубезност”, денеска доделија донација во Дневниот центар „Патека на надежта” во општина Шуто Оризари. Поддршката е наменета за најмладите и најранливите корисници и опфаќа пакети со училишни ранци и храна.
„Благодарен сум за партнерството со Амбасадата на Австрија и со ‘Љубезност’, затоа што ваквите сојузништва ја претвораат солидарноста во конкретна помош за оние на кои им е најпотребна”, изјави министерот д-р Шабан Салиу.
Од здружението „Љубезност” порачаа дека продолжуваат со хуманитарни акции во партнерство со различниинституции и донатор.
Дневниот центар „Патека на надежта” останува точка на поддршка за деца и семејства во социјален ризик во Шуто Оризари, а денешната активност е дел од пошироките напори на министерот д-р Шабан Салиу за зајакнување на инклузијата, охрабрување на редовното школување и намалување на социјалните нееднаквости кај најмладите.
