Соединетите Американски Држави денеска воведоа санкции за поединци и субјекти поврзани со руското влијание во Молдавија, како и со системската корупција во таа земја.
Санкционираните лица вклучуваат руски олигарси, кои се „широко признати како поединци што ги заробиле и корумпирале молдавските политички и економски институции и дејствуваат како инструменти на кампањата за глобално влијание на Русија“, се вели во соопштението на американското Министерство за финансии, пренесува „Ројтерс“.
Меѓу санкционираните лица е и поранешниот молдавски пратеник Владимир Плахотниук, кој, според Министерството, манипулирал со „клучните сектори на молдавската влада, вклучително и полицијата, изборниот и судскиот сектор“, пренесе „Танјуг“.
