Државната комисија за спречување корупција, ја проверила фактичката состојба и потврдла дека сѐ е чисто со пријавениот имотот на лидерот на СДСМ, Венко Филипче.
По преземените провери, ДКСК го затвори предметот.
Со ова паднаа во вода обвинувањата на ВМРО-ДПМНЕ за имотот на Филпче дека наводно имал непријавени станови и непријавен имот.
Во септември портпаролката на ВМРО-ДПМНЕ Марија Митева на прес-конференција обвини дека наводно податоците од двата анкетни листа на Филипче не соодветствуваат еден со друг и најави претставка до ДКСК.
Денес сите овие наводи се демантирани. Претседателот на СДСМ Филипче има ист имот и во двата имотни листа, иста квадратура и вредност на имотот.
