Утрински Весник
Свет

Руте: Демонстрантите на Универзитетот во Амстердам ја преминуваат границата на дозволеното

Rute.webp.webp

Холандскиот премиер Марк Руте преку објава на Фејсбук ги повика демонстрантите во и околу Универзитетот во Амстердам да престанат со насилството врз полицијата и да предизвикуваат штета.

 „Настаните во и околу Универзитетот во Амстердам во изминатите неколку дена јасно преминаа одредени граници.

Демонстрациите се секогаш дозволени, но никогаш не е дозволено користење насилство врз полицијата и предизвикување штета. Престанете со ова!“, напиша Руте.

Според него, неоправдано е холандските Евреи да бидат обвинети за насилството во Газа и „тоа е форма на антисемитизам против која Холандија мора да продолжи да се бори јасно и гласно“.

Руте дополнително во понеделник ќе разговара на оваа тема со голем број организации на барање на Претставничкиот дом. „Антисемитизмот нема место во Холандија“, истакна холандскиот премиер.

Можете да прочитате

Трамп стигна во Британија, а лабораторијата GSK веднаш објави инвестиции од 30 милијарди долари во САД

Катар: Нетанјаху нема да остане неказнет

Орбан: Шведска се одјави од цивилизацијата, мафијата искористила 284 малолетнички за да извршат убиство