Македонскиот репрезентативец Ален Рустемовски го освои трофејот на меѓународниот боксерски турнир „Златен гонг 2025“ одржан викендот во Скопје.
Ален Рустeмовски до трофејот стигна по извонредната борба со Џозеф Тарнер од Англија која ја доби со едногласна одлука на судиите.
За најдобар македонски боксер е прогласен Адријан Рустемовски, најдобар странски боксер е Даврон Бозоров, најдобар техничар е Џозеф Тарнер од Англија, додека Англичанецот Рио Гордон и Македонецот Наум Стојаноски се прогласени за најборбен пар.
Признанието за најдобар тренер отиде кај Михал Мунетан од Моладавија, додека Роберт Винеман е најдобар судија.
