Руски и кинески воени бродови ја почнаа својата втора заедничка патрола во регионот на Пацификот, соопшти денеска руското Министерство за одбрана.
„Како дел од спроведувањето на програмата за меѓународна воена соработка, воените бродови на руската морнарица и поморските сили на Кинеската народноослободителна армија спроведуваат втора заедничка патрола во Тихиот Океан“, соопшти Министерството, пренесува ТАСС.
Како што соопшти Министерството, бродовите ќе вежбаат заедничко тактичко маневрирање, организација на комуникациите, практично артилериско гаѓање и летови на бродски хеликоптери.
Според соопштението, задачите на патролната мисија се зајакнување на поморската соработка меѓу Русија и Кина, како и одржување на мирот и стабилноста во Азиско-пацифичкиот Регион. Првата ваква заедничка патролна мисија беше спроведена во октомври 2021 година.
