Руски суд осуди војник на пет години затвор затоа што одби да се бори во Украина, објавија денеска судски извори.
Судењето се одржа во воениот суд во Уфа, во Република Башкортостан на Урал, пренесува Хина.
Несакајќи да учествува во специјална воена операција во Украина, Марсел Кандаров (24) не се пријавил на воениот повик во мај, објави во четвртокот заедничката служба за односи со јавноста на судовите во Башкортостан.
Безбедносните сили го прогласија Кандаров за виновен на судењето затоа што не се пријавил на воена служба повеќе од еден месец од почетокот на мобилизацијата.
Тој е осуден на пет години затвор, кои ќе ги одлежи во казнен логор, се вели во соопштението.
Во септември, рускиот претседател Владимир Путин нареди мобилизација на 300.000 луѓе бидејќи руската армија претрпе порази во војната во Украина. Десетици илјади Руси ја напуштија земјата бегајќи од мобилизацијата и најчесто се засолниле во соседните земји како Ерменија, Грузија и Казахстан.
Во одвоен судски процес, воениот суд во Москва осуди регрут на пет и пол години ригорозна затворска казна за удирање на претпоставен за време на расправија, објави во средата руската официјална новинска агенција ТАСС.
Според агенцијата, тој изразил „незадоволство“ од организацијата на обука за мобилизирани регрути во близина на Москва, а потоа му дувал чад од цигари во лицето на офицерот и го удрил.
