Руското Министерство за одбрана соопшти дека патролните бродови на Црноморската флота одбиле напад на три украински беспилотни летала во близина на Севастопол – најголемиот град на Крим и најважното пристаниште на Црното Море, пренесува руската државна новинска агенција „ТАСС“.
„Украинските вооружени сили синоќа извршија неуспешен обид за напад на патролните бродови на Црноморската флота Сергеј Котов и Василиј Биков, кои ги надгледуваа бродските рути во југозападниот дел на Црното Море, на 340 километри југозападно, на Севастопол“, се вели во соопштението.
Според Министерството, нападот бил одбиен.
На 25 јули руското Министерство за одбрана извести за неуспешниот обид на Украина за напад на патролниот брод на Црноморската флота Сергеј Котов. Тие тврдеа дека бродот го одбил нападот, уништувајќи ги двете беспилотни летала.
