Од недела, речиси една година од почетокот на руската инвазија на Украина, стапи на сила речиси целосно ембарго за извоз на руска нафта, а ситуацијата на фронтот станува се потешка, изјави украинскиот претседател Володимир Зеленски.
Според него, сега е „многу тешко“ во Бахмут во областа Доњецк, како и во регионот на Одеса.
Шефот на Вагнер, Евгениј Пригожин изјави дека во Бахмут се водат жестоки борби, иако извештаите на руските „воени дописници“ го тврдат спротивното.
Центарот на Харков, вториот по големина град во Украина, беше погоден од ракетни напади, при што петмина беа повредени. Ракети погодија станбена зграда и универзитетска зграда.
Шефот на платеничката група „Вагнер“, Евгениј Пригожин, преку Телеграмскиот канал на прес-службата рече дека, спротивно на некои извештаи, во Бахмут „се уште се водат жестоки битки за секоја улица, секоја куќа, секое скалило“.
„Вооружените сили на Украина не се повлекуваат никаде. Вооружените сили на Украина се борат до последно“, рече тој.
Претходно рускиот провоен канал Варгонзо, повикувајќи се на информации од борците на Вагнер, објави дека украинската армија се повлекла од северните региони на Бахмут.
Во текот на изминатата недела, Русија продолжи да постигнува одреден напредок во напорите да го опколи градот Бахмут, се вели во извештајот на британското Министерство за одбрана.
До почетокот на неделата, формациите на Вагнер, најверојатно, презедоа алтернативен пат и останаа само неколку правци за снабдување на украинските сили низ земјата, а Бахмут стануваше сè поизолиран.
Во петокот во Киев се одржа самитот Украина – ЕУ, но освен пораката дека Украина има место во Унијата, не беше наведен датумот на влез на земјата во политичката и економската заедница на европските држави.
Освен декларативна поддршка, од Киев се бара истото како и од другите земји кандидати, а тоа се владеење на правото и решителна борба против корупцијата.
Украинските власти во последните денови најавија одлучна борба против корупцијата, а сменети се и неколку функционери.
Истиот ден од Америка пристигна вест дека е одобрена нова транша од воената помош за Киев во вредност од 2,2 милијарди евра.
Оваа помош, како што соопшти Пентагон, ќе вклучува и ракети со дострел од 150 километри, кои „ќе и овозможат на украинската армија да гаѓа цели длабоко во руската позадина“, што сега не може да го направи,пренесе Б92.
