Утрински Весник
Свет

Русија бара од Украина да предаде украински претставници поради наводни „терористички акти на руска територија“

5.webp.webp
Ss2

Русија побара од Украина да и го предаде шефот на нејзините безбедносни служби, како и други лица наводно поврзани со терористички акти извршени на руска територија, јавија западни медиуми, повикувајќи се на соопштение на руското Министерство за надворешни работи.

Русија побара од Украина „да ги уапси и екстрадира сите инволвирани во терористичкиот напад во концертната сала Крокус во Москва на 22 март, како и во другите терористички напади во Русија“, вклучувајќи го и шефот на Службата за безбедност на Украина (СБУ) Василиј Маљук, соопшти денеска руското МНР.

Ss1

Во соопштението се наведува дека Русија ја повикува Украина „да престане со секаква поддршка за тероризмот и да ги обештети жртвите од терористичкиот напад во Москва“.

„Русија ги упати до украинските власти своите барања за итно апсење и екстрадиција на сите поврзани со терористичките акти за кои станува збор“, се вели во соопштението на Министерството и се нагласува дека „прекршувањето на обврските на Украина од меѓународните конвенции против тероризмот ќе повлекува нејзина меѓународна правна одговорност“.

Во соопштението се наведува дека меѓу оние кои Русија побарала да бидат екстрадирани од Украина е и Маљук, кој е началник на Службата за безбедност на Украина и кој признал дека неговата служба стои зад нападите на мостот што го поврзува Крим со руското копно, извршени откако Кремљ ја нападна Украина во февруари 2022 година.

Ss1

Можете да прочитате

Орбан: Западот е на чекор од испраќање воени единици во Украина, Брисел си игра со оган

Нетанјаху најави „уште поболни напади против Хамас“

Пленковиќ и Мицотакис можни наследници на Фон дер Лајен