Светскиот шампион, Финецот Кале Рованпера стигна до својата трета победа во Рели ВРЦ шампионатот оваа сезона, триумфирајќи на Акропол релито во Грција со огромна предност од минута и пол пред Велшанецот Елфин Еванс, зголемувајќи си ги шансите за одбрана на титулата.
Рованпера со својата Тојота беше најбрз во осум од 15-те етапи на релито, но го презеде водството во релито во саботата навечер, кога неговиот колега, легендарниот Себастиен Ожие имаше големи механички проблеми и го загуби водството. Со ова тој доби предност од 2:04.4, по што во неделата лесно стигна до својата 11. ВРЦ победа.
Зад него беше подраматично, и Еванс успеа да го победи Дани Сордо во Хјундаи за 4.2 секунди, а со максималниот број на поени, Рованпера сега има предност од 33 поени пред Еванс.
