Кристијано Роналдо е навикнат да руши рекорди во неговата неверојатно долгорочна кариера, но тој рекорд што го постави сега е многу тешко да се верува дека ќе биде соборен во блиската историја.
Кога селекторот на Португалија, Роберто Мартинез го постави во игра како стартер на квалификацискиот меч за Еуро 2024 во Рејкјавик против Исланд, фудбалерот на Ал-Наср официјално го запиша 200. настап во репрезентативниот дрес, нешто што досега не му успеало на ниту еден фудбалер.
Роналдо пред мечот ја доби наградата од Гинисовата книга на рекорди за ова постигнување.
Во женскиот фудбал, ситуацијата е поинаква – дури 26 фудбалерки имаат над 200 репрезентативни настапи, а апсолутен рекордер е Американката Кристин Лили, која 354 пати играше за САД од 1987 до 2010 година.
