Португалската ѕвезда Кристијано Роналдо не успеа да освои трофеј во првата сезона во Саудиска Арабија со тимот на Ал-Наср. Имаше најави дека е незадоволен и дека ќе си замине, но тој најави дека и следната сезона ќе игра во Саудиска Арабија за истиот тим.
Во интервју за саудиската Про-лига, тој истакна дека очекувал да освои нешто со тимот, но сега се надева дека следната година ќе има поголема шанса.
„Моите очекувања беа малку поинакви да бидам искрен. Се надевав дека ќе освојам нешто оваа сезона, но работите не одат секогаш како што сакате. Понекогаш ви треба страст, желба и упорност за да успеете. Сè уште верувам дека следната година ќе се претставиме подобро. Во последните 5-6 месеци тимот се разви многу. Истото може да се каже и за другите тимови во лигата“, изјави Кристијано Роналдо.
Сѐ погласни се шпекулациите дека од следната сезона би можеле во Саудиска Арабија да му се придружат и Карим Бензема и Лионел Меси.
