Кристијано Роналдо уште не завршил со португалската репрезнетација, откако и новиот селектор Роберто Мартинз ќе го вклучи во мечевите од квалификациите за Евро 2024, објавува „Атлетик“.
Според нивните информации, Мартинез веќе разговарал со напаѓачот на Ал-Наср, пред да го вклучи во составот, ставајќи крај на шпекулациите дека ќе се повлече од репрезентацијата откако беше маргинализиран од претходниот селектор Фернандо Сантош на Светското првенство во Катар.
38-годишниот Роналдо е заеднички рекордер по бројот на настапи во репрезентативниот дрес покрај Бадер Ал-Мутава од Кувајт, и двајцата ќе бидат во акција ист ден – Португалија против Лихтенштајн, а Кувајт против Филипините. Покрај Лихтенштајн, следен противник за Португалија е Ирска.
