Ракометната федерација на Македонија (РФМ) одлучи да ги стимулира машката и женската репрезентација за пласман на завршниците од СП-2025, односно ЕП-2024 со по 2.000.000 денари. Најдобрите ракометари премијата од два милиони денари ќе ја поделат доколку преку бараж двомечот со Фарски Острови на 8 и 12 мај се пласираат на Мундијалот 2025 кој ќе се одржи во Хрватска, Данска и Норвешка. Истата парична награда од 2.000.000 денари ќе ја добијат како премија и девојките доколку се пласираат на завршницата од Европското првенство 2024 кое ќе се одржѓи во Австрија, Унгарија и Швајцарија. Женската селекција е на добар пат да обезбеди виза за учество на континенталниот собир уште во април со победи во дуелите од квалификациската група со Азербејџан и Литванија.
