Фудбалерите на Реал Мадрид со пресврт го совладаа Еспањол со 3:1 на „Сантијаго Бернабеу“, со што ја прекинаа серијата од две нерешени средби во Примера.
По само осум минути игра екипата на Барселона ги шокираше сите навивачи на стадионот на Реал, кога Куртоа беше совладан од најдобриот стрелец на Еспањол, Хоселу
Водството на Еспањол траеше до 22. минута, кога Винисиус Жуниор по левата страна ја проби одбраната на гостите и со прецизен удар ја испрати топката во долниот лев агол од голот на Пачеко.
Пресвртот се случи во 39. минута, кога Едер Милитао беше сам на втората статива по еден корнер и немаше проблем да ја испрати топката во мрежата.
Конечниот резултат го постави Маркос Асенсио во 93. минута, по одличната асистенција на Начо.
Реал, на овој меч беше без Карим Бензема, кој е под знак прашалник и за реваншот од осминафиналето на Лигата на шампионите против Ливерпул.
По оваа победа Реал стигна до 56. бод, што е шест бода помалку од првопласираната Барселона со натпревар повеќе, Еспањол остана на 27 бодови.
Во следното коло Мадрид гостува на „Камп Ноу“ каде ќе одигра ново Ел Класико против Барселона, додека Еспањол ја пречекува Селта.
