Напаѓачот на Португалија, Гонзало Рамош го обележа осминафиналето на 22.Светско фудбалско првенство. најдобриот играч во осминафиналето на Светското првенство, според анализата на СофаСкор.
Напаѓачот на Бенфика (21), кој неочекувано го замени Кристијано Роналдо во стартната постава на Португалија, постигна хет-трик во триумфот од 6:1 над Швајцарија. За она што го демонстрираше на теренот доби оценка 9,8.
Освен него, единствениот фудбалер кој доби оценка девет е Холанѓанецот Дејли Блинд, чија селекција ги совлада САД со 3:1.
Во овој тим има четворица Португалци, двајца Холанѓани и по еден Французин, Бразилец, Хрват, Јапонец и Шпанец.
Еве како изгледа идеалниот состав на СофаСкор за осминафиналето:
Во петок се закажани четвртфиналните натпревари Хрватска – Бразил (16 часот) и Аргентина – Холандија (20 часот), додека во сабота ќе играат Мароко – Португалија (16 часот) и Англија – Франција (20 часот).
