Адриен Рабио на лето би можел повторно да стане слободен играч, бидејќи сѐ уште не го продолжил договорот со Јувентус. Големо прашање е дали „старата дама“ ќе има пари да му понуди иста плата како кога пристигна како слободен играч пред четири години.
Поради тоа, се погласни се гласините дека Рабио би можел да го напушти Јувентус на крајот на сезоната. Се чини дека не би имал ништо против да игра за Ливерпул.
„Ми се допаѓа Ливерпул многу, бидејќи кога бев помлад бев голем фан на Стивен Џерард. Поради него почнав да фантазирам и оттогаш ги следам „црвените“, изјави Рабио.
Англиските медиуми веднаш ова го поврзаа со негов можен трансфер на „Енфилд Роуд“ претстојното лето.
