Челниците на ПСЖ стравуваат дека нема да можат да најдат купувач за напаѓачот Нејмар да Силва.
Бразилецот го повреди скочниот зглоб во февруари на мечот со Лил и моментално е во фаза на рехабилитација по успешната операција.
Сепак, катарските сопственици, кои планираат да го обноват договорот со Лео Меси и кои сакаат да го реновираат тимот на лето, сметаат дека најдобро е да го продадат Нејмар.
Како што пренесува „Ле Паризиен“, тие се сочени со два проблеми, првиот е дека ќе биде тешко да се најде клуб кој е подготвен да одвои огромни пари за платата на играчот, а вториот е неговата хронична повреда на десното стапало.
Клубот сакаше да го продаде и минатото лето, но тогаш не успеа да најде купувач кој ќе може да ги исполни финансиските барања на бразилскиот фудбалер.
Нејмар, кој ја обнови соработката со „светците“ во летото 2022 година, има договор со важност до јуни 2027 година.
Оваа сезона тој постигна 18 гола на 29 натпревари за ПСЖ.
