Културно-Информативниот Центар – Скопје, најавува промоција на книгата „Пештера” од Максим Ристески, издадена од издавачката куќа “ИЛИ-ИЛИ” на ден 17.10.2022 година со почеток во 19:19 часот во Салон – Империјал 2.
Книгата ќе ја промовираат Игор Анѓелков и Владимир Мартиновски.
Во романот „Пештера” е особено маркантен интертекстуалниот елемент, во кој во преден план се ставени судбините на протагонистите исправени пред крупни одлуки, а меѓу многубројните интертекстуални назнаки и алузии доминираат библиските. Оттука, би можеле да констатираме дека романот на Ристески во многу елементи е нестандардно и оригинално дело во современата македонска литература.“
Максим Ристески (Скопје, 1973) со пишување се занимава повеќе од 30 години, како новинар, копирајтер, текстописец, сценарист… Бил музичар, а продолжува да се занимава и со ликовна уметност. „Пештера“ му е прв роман, чиј зародок долго се формирал, но кога дошло вистинското време, го напишал во еден здив.
