Продолжува потрагата по тинејџерката која исчезна во водите на Вардар кај Уланци во Општина Градско. 16-годишната девојка веќе четврти ден ја бараат полициски службеници и армиските Волци со специјална опрема за нуркање и чамци.
Таа во четвртокот попладне била однесена од реката додека се капела, заедно со друга повозрасна пријателка. Жената, која неколкупати се обидувала да и помогне беше пронајдена, но не и девојката.
Надлежните информираат дека потрагата ќе продолжи сè додека девојчето не биде пронајдено, при што се ангажирани припадници на полицијата, нуркачи, Армијата и други служби за спасување.
Во меѓувреме на социјалните мрежи се огласи и нејзината мајка:
“ОЧАЈНО СИ ЈА БАРАМ КЕРКТА ТЕОДОРА БАБАРЧИЌ 16ГОДИНИ КОЈА ПРЕД 3ДЕНА СЕ УДАВИ ВО ВОДИТЕ НА ВАРДАР ОПШТИНА ГРАДСКО СЕЛО УЛАНЦИ ИНСТИТУЦИИТЕ СЕ СИТЕ ИЗВЕСТЕНИ ПОТРАГАТА СЕУШТЕ ТРАЕ ДАВААТ СЕ ОД СЕБЕ ДА ЈА НАЈДАТ СЕГА ЗА СЕГА СЕ ВОДИ КАКО ИСЧЕЗНАТА ДОКОЛКУ НЕКОИ ОД ОФЧАРИТЕ,ЗЕМЈОДЕЛЦИТЕ И РИБАРИТЕ ЈА ВИДАТ ВО ВОДИТЕ НА РЕКАТА ВАРДАР ДЕЛОТ ОД ГРАДСКО ДО ГЕФГЕЛИЈА КАКО ШТО ТЕЧЕ ВОДАТА ВАРДАР ВО ТОЈ ДЕЛ. ВЕ МОЛАМ СЕКОЈА ИНФОРМАЦИЈА Е ДОБРОДОЈДЕНА ПРИЈАВЕТЕ ВО МВР ПОЛИЦИЈА ЗА ПОБРЗО ДА СЕ НАЈДЕ МОЕТО ДЕТЕ МОЈАТА ДУША..😭😭😭
ОБЛЕЧЕНА Е ВО РОЗЕВИ ДВОДЕЛНИ КУПАЌИ ЦРНА КОСА КАФЕНИ ОЧИ …
ВЕ МОЛАМ СПОДЕЛУВАЈТЕ ШТО ПОБРЗО ДА СЕ НАЈДЕ”, напиша таа.
