Градоначалникот на општина Бутел, Дарко Костовски објави дека ќе продолжат со отстранување на бесправно изградени објекти на територијата на општината.
„Денес во населеното место Визбегово со поддршка од директорот на државниот инспекторат за градежништво и урбанизам и МВР направивме дополнителен увид на улицата “Јадранска магистрала”. Во населеното место Визбегово изминатиот период по постапка од страна на општинските инспектори започна процес на отстранување на узурпациите долж улицата “Јадранска магистрала”.
Се додека јас сум градоначалник на Општина Бутел законите ќе важат за сите подеднакво, без отстапки! Без разлика граѓаните секогаш во мене ќе имаат заштитник и човек кој ќе го спроведува законот“ вели Костовски на Фејсбук.
Тој додава дека по предходна постапка на општинските инспектори дел од стопанствениците започнале процес на отстранување. Таму каде што нема да се почитуваат роковите Општина Бутел ќе пристапи кон отстранување, порача Костовски.
