Пријателка на британскиот милијардер чија подморница исчезна на пат кон потонатиот брод „Титаник“ изјави дека стравува дека заробените може да се на дното на океанот.
‘My biggest fear is knowing they are trapped’: Friend of British billionaire lost on tourist trip to Titanic believes the crew are stuck in sub on ocean floor after missing their last ascent window
via https://t.co/ukePCFr1gS https://t.co/EEFgxQVfwk— MSM is Pravda (@RitchieJodi) June 20, 2023
Џеник Микелсен, норвешка истражувачка, за светските медиуми зборуваше околу тоа како би делувал Хамиш Хардинг (58) во случај на кризна ситиација. Тој е еден од петте луѓе на подморницата, која го започна патувањето до местото на остатоците од „Титаник“ во 4 часот наутро во неделата.
„Мојот најголем страв е да знам дека се заробени и да не можат да добијат помош“, рече Микелсен.
Таа додаде дека Хардинг и бил како ментор и дека бил свесен за ризиците што ги презема.
„Хамиш е истражувач во душата и ова е една од работите што сакаше да ги истражи. Хамиш ги знаеше ризиците пред да започне. Знам дека Хамиш ќе биде мирен, и ќе работат сите заедно ако се во криза“, додаде пријателката на британскиот милијардер.
Постојат информации дека подморницата се заклучува однадвор, па не нема начин да се излезе.
Патувањето – за кое учесниците плаќаат 250.000 долари – обично трае осум часа. Но, контактот со контролниот брод беше изгубен час и 45 минути по почетокот на патувањето, пред да стигнат до остатоците, а спасувачите сега се вклучени во трка со времето за да се обидат да ја вратат подморницата и нејзината екипа.
Во понеделникот попладне, адмиралот на американската крајбрежна стража Џон Маугер рече дека подморницата имала 96 часа кислород, врз основа на информациите добиени од операторот на бродот.
