Во Центарот за дневен престој за деца во ризик „Патека на надеж“ што се наоѓа во објектот на градинката „8-Ми Април“ во Општина Шуто Оризари, денеска ќе се одржи настан на тема „Растењето на децата во здрава семејна средина, со квалитетна родителска грижа-клучен сегмент за ефикасно решавање на негативната појава-деца на улица и питачењето“, соопштија од Одделот за односи со јавноста кај Народниот правобранител.
На настанот организиран по повод 12 Април Меѓународниот ден на децата на улица, државниот советник од канцеларијата на Народниот правобранител, Васка Бајрамовска-Мустафа, како што е најавено, ќе ги презентира наодите од истражувањето за состојбата со децата на улица во Република Северна Македонија, а презентација ќе имаат и претставици од дневните центри од општините Шуто Оризари и Кисела Вода.
Инаку, настанот е организиран во рамките на ЕУ проектот „Зајакнување на основните права и засилена примена на алтернатините мерки“ финансиски подржан од Европската Унија.
