Пријателството меѓу Уганда и земјите од поранешна Југославија, кое трае неколку децении и датира од заедничките активности во Движењето на неврзаните, повторно е продлабочено и на обострано задоволство.
Претседателот на Уганда, Јовери Мусевени, го назначи српскиот бизнисмен Братислав Стоиљковиќ за трговски претставник на земјата за Југоисточна Европа.
На церемонијата одржана во лондонското предградие Виндзор, претседателот Мусевини го назначи Стоиљковиќ за претставник за трговски и инвестициски односи со Уганда за сите земји од Југоисточна Европа.
Обраќајќи им се на присутните на церемонијата, Мусевени ги повтори историските врски на Уганда со Југославија, кои траат од првиот самит на Движењето на неврзаните одржан во Белград во 1961 година. Тој со гордост нагласи дека Уганда ќе биде домаќин на самитот на Движењето на неврзаните следната година.
Несомнено е дека односите меѓу регионот на Југоисточна Европа и оваа земја ќе продолжат да растат во наредниот период, пред се во делот на трговијата и инвестициите.
Пазарот во Уганда е отворен и за сите македонски бизнисмени.
