Составот на новата Влада е пред финален договор, потврдуваат повеќе извори независни еден од друг.
Според информациите лиферувани од победничката партија на изборите, кај ВМРО-ДПМНЕ и коалицијата Твоја Македонија одат министерствата за Внатрешни работиР, Финансии, Транспорт и врски, Образование, Култура, Министерство за надворешни работи, Земјоделие, Локална самоуправа, Одбрана, Енергетика, Политички систем и други.
Коалицијата Вреди ги добива министерството за животна средина и просторно планирање кој во исто време ќе биде и вицепремиер. Потоа министерството за здравство и министерството за социјална политика, демографија и млади, исто припаѓа на Вреди.
Министерството за економија и труд, оди во рацете на ВРЕДИ, заедно со секторот Евроинтеграции, како уште едно министерство без ресор задолжено за добро владеење и транспарентност.
Претседател на Собранието исто така оди во рацете на ВРЕДИ.
И преговорите со ЗНАМ финишираат добивајќи две министерства, министерство за правда и новото министерство за администрација.
Според информациите од ВМРО-ДПМНЕ, но и од Вреди се очекува овие денови да разговорите да завршат, а не е исклучено уште неделава да биде формирана новата Влада, која во Собранието би имала поддршка од две третини од пратениците.
