Познатиот моден бренд Есприт денеска треба да поднесе барање за стечај пред окружниот суд во Дизелдорф, пишува германски Билд.
Погодени се и шест фирми-ќерки и 1.500 вработени.
„Целта е да се реструктуира европскиот бизнис на Есприт, кој главно се управува од Германија, и да се репозиционира за во иднина“, велат од компанијата.
Наводно веќе се направени консултации со потенцијален инвеститор, пренесува Билд.
Тие пишуваат дека стечајот не е изненадување. Компанијата со седиште во Ратинген кај Дизелдорф со години е во криза.
Пред четири години, Еприт помина низ процес на реструктуирање, кога една третина од работната сила беше отпуштена и 100 филијали беа затворени. Ниту мерките за штедење, ниту затворањето на филијалите не помогнаа.
