Пожарот во зградата во Чаир уште е активен, информираше утрово Центарот за управување со кризи. Утрово интервенираат три возила.
Синоќа пожарот во скопски Чаир се одвиваше отежнато поради големата количина на чад и високата температура во подрумите во кои била складирана поголема количина на запаливи материјали, информираа од Центарот за управување со кризи.
Пожарот кој почна во подриумски простории кои се користеле како магацин гори од вчера во 01.50 часот. Од обејктот беа евакуирани речиси 100 станари. 30 возрасни, 12 деца, еден пожарникар и полицаец беа однесени на скопските клиники поради труење со чад.
