Утрински Весник
Македонија

Повторно искршен бугарскиот клуб во Охрид

Претседателот на бугарскиот клуб: Го избравме името по последниот бугарски цар, тој е важен за нас

Одново е искршен клубот „Цар Борис III“ кои дел од граѓаните го сметаат за бугарска провокација, а се наоѓа во центарот на Охрид. Повторно е причинета материјална штета, односно, искршено е стаклото од влезната врата. Од охридската полиција за го потврдуваат настанот кој се случил околу 19 часот.

dobivaj vesti na viber

„Во СВР Охрид пријавено е оштетување на стакло на канцеларијата на здружението Цар Борис Трети лоцирана на Бул.М.Просветители во ТЦ Амам во Охрид..Полициски екипи при СВР Охрид излегоа на местото на настанот при што, утврдено е дека на стаклото од надворешната врата и стаклото од излогот на канцеларијата има две оштетувања направени од оружје“, велат од СВР Охрид за.

За настанот известен е јавен Обвинител од ОЈО Охрид по чии насоки се преземаат мерки за расчистување на настанот.

Претходно, беше искршен излогот на просториите во кои е сместен клубот, но и таблата со името на контроверзниот бугарски цар.

Отворањето на просториите на клубот во Охрид кој носи контроверзно име се случи на почетокот од октомври. Тогаш, со протест и тензии помина свеченоста. „Ова брзо ќе изгори тука” извикуваа присутните. Тие го спореа името „Цар Борис III“ затоа што историски гледано, е дел од фашистичка Бугарија. За овој случај има и предмет во Уставен суд.

Според измените на Законот за здруженија и фондации, бугарските културни центри во земјава имаат рок од три месеци да ги променат имињата на здруженијата. Второто здружение го носи името „Ванчо Михајлов“, исто така контроверзна историска личност, соработник на фашистите, а клубот се наоѓа во Битола и беше запален.

Можете да прочитате

Ковачевски: Очекувам намалување на цените на основните производи за 10 отсто

Средба на ОБСЕ Тројката Османи -​ Рау – Билстром, во пресрет на Министерскиот состанок во Лоѓ

Атиџе и Штајнмаер си разменија тегли со мед: „Ако ги сакате пчелите, тие ќе ви возвратат“