Од денес за 1.000 денари е поскапа казната на пајак-службата на ЈП „Паркинзи на Општина Центар“, информираа од претпријатието.
„Цените на пајак-службата не се сменети 10 години, а поскапени се горивото, сервисот и деловите за возилата. Исто така, зголемен е и бројот на непрописно паркирани возила во градот. Наместо 2.500 денари, ако за погрешно паркирање интервенира пајак-службата, казната сега ќе биде 3.500 “, велат од ПОЦ.
Истовремено, во Зона 1 сервисните и станбените улици во секторот Дебар Маало, секторот Парк и секторот Буњаковец цената за 1 час паркирање поскапува од 60 на 70 денари.