Полскиот министер за одбрана Владислав Кошњак-Камиш денеска изјави дека неговата земја нема да работи поединечно, надвор од договорот во рамките на НАТО, за да добие нуклеарно оружје.
„Ние сме во НАТО со земји кои го имаат тоа оружје. И должност на сојузниците е заеднички да ги бранат своите територии користејќи ги сите можни сили и средства. Се разбира дека постои хиерархија во употребата на тоа оружје и никој не сака нуклеарна војна“, изјави полскиот министер за одбрана.
Кошњак-Камиш потсети дека мисијата на НАТО е одвраќање и одбрана.
„Ако донесуваме некакви одлуки, тие секогаш мора да бидат сојузнички одлуки во рамките на НАТО, а не поединечни“, додаде Кошњак-Камиш.
