Четиригодишното полициско куче по име Арон починало од исцрпеност откога било оставено во климатизирано патролно возило, кое неочекувано се исклучило.
Инцидентот се случил во понеделникот во Хјустон, Тексас, кога полицаец го оставил кучето во „вклучено, климатизирано патролно возило, што е неопходна и вообичаена практика кога партнерот К9 не е активно ангажиран во полициските работи“, соопшти полицијата.
Кога полицискиот партнер на кучето Арон се вратил во возилото, открил дека моторот бил исклучен и дека кучето е во потенцијална опасност.
Арон веднаш бил пренесен во итната ветеринарна клиника, но на крајот подлегнал на топлотна исцрпеност, соопшти полицијата додавајќи дека полициските возила во Хјустон се опремени со систем што го известува возачот за состојбата на автомобилот.
„Тоа не се случи во овој случај“, соопшти полицијата во Хјустон, која сега ќе ја испита смртта на Арон за да утврди што точно се случило и како дошло до дефект со цел да се спречи сличен инцидент.
