Израелската полиција денеска го затвори автопатот Ерусалим-Тел Авив и ги евакуираше жителите долж тој пат поради пожар во областа, која веќе беше загрозена од пожар пред една недела.
Градовите на околу 30 километри западно од Ерусалим се евакуирани, јавија израелските медиуми, прикажувајќи снимки од пожарникари кои се борат со пламенот.
Високата температура и силните ветрови предизвикаа брзо ширење на пожарот во шумските области, што доведе до евакуација на најмалку пет места, се наведува во соопштението на полицијата.
– Екипи на итна помош, единици за интензивна нега и возила за итни интервенции пружаат медицинска поддршка на пожарникарите во близина на Неве Шалом и Ештаол, пошумени области западно од Ерусалим, се наведува во соопштението на службата за итни случаи и се додава дека нема жртви.
Израелскиот министер за национална безбедност Итамар Бен Гвир, кој ја надгледува противпожарната служба, го посети местото на пожарот, се вели во соопштението.
Минатата недела, додека пожарите во истата област се приближуваа кон Ерусалим, израелскиот премиер Бенјамин Нетанјаху рече дека го разгледува барањето за меѓународно засилување пред пожарите конечно да бидат ставени под контрола.
Пожарите се чести во Израел во текот на пролетта и летото поради високите температури.
According to Israeli media
Flames are devouring vast areas of Israeli settlements and Tel Aviv is crying out for international help to put out the fires!
Some roads are blocked, and most importantly, the main road between Tel Aviv and Jerusalem is closed due to the fire. pic.twitter.com/MqaqyqEaxS
— Lotfi GHAZOUANI (@Lotfi_Ghazouani) April 30, 2025
