Директорка на стоматолошки клиники Цветанка Бајрактарова објави дека дежурната служба на Стоматолошките клиники во Скопје ќе работи и за време на викендите и празниците.
– Со цел подобрување на грижата за пациентите и нивното орално здравје, започнува со работа ДЕЖУРНАТА СЛУЖБА во рамките на ЈЗУ Универзитетскиот стоматолошки клинички центар Свети Пантелејмон Скопје. Оваа иницијатива е одговор на потребите на пациентите за итни стоматолошки услуги и е во согласност со заложбата за обезбедување највисок стандард на здравствена заштита. Како врвна здравствена институција во Република Македонија, наша обврска е да обезбедиме континуирана и достапна стоматолошка грижа за сите граѓани, сподели Бајрактарова.
Дежурната служба ќе започне со работа од 10.08.2024 година и ќе работи за време на викендите и празниците со работно време од 08:00 до 20:00 часот
