На 2.1.2023, во 19.40 часот, било пријавено дека на клучката кај Штип на магистралниот пат Три Чешми – Кочани се случила сообраќајна несреќа помеѓу патничко возило „опел астра“, со пробиштипски регистарски ознаки, управувано од М. М. (37) од Пробиштип и автобус со штипски регистарски ознаки, управуван од Д. Ќ. (42) од Пехчево.
Во несреќата од добиените повреди починал сопатникот во патничкото возило, С. Т. (37) од Пробиштип, а смрт била констатирана од лекар од итната медицинска помош.
Возачот М. М. добил повреди и бил пренесен во Клиничката болница во Штип за укажување лекарска помош.
Извршен бил увид од јавен обвинител и екипа од СВР Штип.
