По кратко боледување, на 45-годишна возраст почина претседателот на Сојузот на синдикатите на Македонија (ССМ), Дарко Димовски.
„Колегите, соработниците и работниците ќе го паметат како голем борец за работничките права кој остави длабок белег во синдикалното и работничкото движење на Македонија“, вели ССМ.
Погребот ќе биде утре во 13 часот, а пријателите, соработниците, работниците, граѓаните ќе можат да се простат и да изразат сочуство од 12 часот во капелата на градските гробишта во Бутел.
