Утрински Весник
Магазин

Почесна „Златна палма“ за Харисон Форд

Почесна „Златна палма“ за Харисон Форд

Холивудската легенда Харисон Форд, кој дојде на канскиот филмски фестивал да го претстави петтиот дел од сагата „Индијана Џонс“ и последен во кој го глуми археолог авантурист, синоќа доби почесна „Златна палма“, пред прикажувањето на филмот.

dobivaj vesti na viber

Ѕвездата на „Индијана Џонс“ (80) имаше прилично емотивно обраќање на публиката во преполната сала.

„Длабоко сум трогнат од ова признание,“ рече тој видно возбуден примајќи ја наградата.

„Велат дека пред да умреш, го гледаш животот како блеска пред твоите очи“, рече насолзениот Форд, откако, пред почетокот на филмот, на публиката ѝ беа прикажани најсветлите моменти во неговата кариера.

„И штотуку го видов мојот живот како ми блесна пред очи.“

„Голем дел од мојот живот, но не целиот“, додаде тој, пред да ѝ се заблагодари на својата сопруга, актерката Али Мекбил Калиста Флокхарт.

„Таа со години ја поддржува мојата страст и моите соништа.“

Неговиот последен филм како смел археолог со камшик беше меѓу најочекуваните на фестивалот.

Во своето петто и последно портретирање на акциониот херој, Форд глуми заедно со Мадс Микелсен и Фиби Волер Бриџ.

„Длабоко сум трогнат од оваа чест и понизен – но имам филм што мора да го гледате. Затоа дозволете ми да се тргнам од патот,“ рече тој на крајот од својот говор.

Можете да прочитате

Ова се трите најздрави намирници во светот

Два хороскопски знаци кои секому му одат на нерви

Наскоро ќе гледаме ретко порамнување на шест планети