Најмалку 34 лица загинаа, а 12 се повредени во судир на автобус и автомобил во Алжир, соопшти алжирската противпожарна служба.
Несреќата се случила околу 4 часот наутро по локално време во градот Таманрасет, на околу 1.500 километри јужно од главниот град на Алжир, соопшти противпожарната служба.
По судирот избувнал пожар при што изгореле 34 лица, се наведува во соопштението.
Сообраќајните несреќи со фатални последици се чести во Алжир. Минатата година, според официјални извори, во сообраќајни несреќи загинале 907 лица.
