По тешката сообраќајна несреќа од утринава, која се случи во 8 часот, АМСМ соопшти дека од 16:25 часот е нормализиран сообраќајот на патниот правец Прилеп-Битола кај селото Лагово.
Кај Лагово утрово се случи тешка сообраќајна несреќа во која животот го загубија три лица, вработени во приватна клиника во Битола, доктор радиолог, примариус д-р Александар Ристески, радиолог, д-р Никола Василевски, гинеколог, и рендген техничарката Фанче Јовановска, а едно лице беше повредено.
По сообраќајката, Основното јавно обвинителство нарача и увид и вештачење.
Овој патен правец често одзема жртви. Веќе 30 години се најавува нов пат во вид на експресен пат или автопат, но од него нема ништо. Само се „фрлаат лопати“, а ништо конкретно не се презема.
