Утрински Весник
Македонија

Петровска: Денес сме рамноправна членка на НАТО и водиме преговори за наше членство во ЕУ, за тоа беше потребна храброст, решителност и државнички однос

Img 6683.jpeg

„Мене ми е голема чест што сум носител на листата на СДСМ и Коалицијата за европска иднина во ИЕ 6. Можеби се прашувате зошто јас скопјанка носителка на оваа изборна единица. Затоа што си ја сакам Македонија и ги сакам различностите, и затоа што ги сакам луѓето кои ги носат различностите. Затоа што Пологот е Македонија во мало. И најважното затоа што имаме толку многу да направиме, за подобра и европска иднина на сите нас,“ порача од граѓанскиот митинг во Тетово, Славјанка Петровска, министерка за одбрана и носителка на листа од ИЕ 6 на СДСМ.
Таа се осврна на времето пред само 7 години, дека Македонија беше изолирана, заробена, сиромашна и внатрешно поделена држава. А денес сме рамноправна членка на НАТО и водиме преговори за наше членство во ЕУ.
„Но, за да го постигнеме ова беше потребна храброст, решителност и државнички однос. Носење на храбри и државнички одлуки. И токму тоа го направи СДСМ. Пред четири години и официјално станавме 30 земја членка на НАТО и ја реализиравме првата од двете стратешки цели. Цели за кои зборуваа сите многу години. НАТО донесе стабилност, безбедност, трајно обезбедување на нашите граници, а територијалниот интегритет на нашата држава веќе никогаш нема да биде доведен во прашање,“ посочи Петровска.

Можете да прочитате

Таравари: Коалицијата Вреди е најдобрата гаранција дека С. Македонија ќе го продолжи европскиот пат

Клековски: Не треба да го промениме Уставот додека не видиме знаци на добра волја од Бугарија, до тогаш треба да се справиме со криминалот и корупцијата

Петров и Богоев разочарани од сопартициите оти молчеа во Собранието на конститутивната седница