Утрински Весник
Магазин

Пет здравствени придобивки од редовното консумирање тиквички

Shutterstock 1390365932 750x422 1.jpg

Тиквичките се хранлив и популарен зеленчук кој може да се комбинира и да се јаде на различни начини. Тие се многу здрави и се препорачува нивно често консумирање, а содржат есенцијални хранливи материи како што се витамините Ц, К и Б6, како и минерали како калиум, манган и фолати. Редовното консумирање на овој зеленчук може да има одлично влијание врз здравјето. Погледнете кои здравствени придобивки се поврзани со тиквичките.

Нискокалорични се

Тиквичките се одличен избор за сите оние кои сакаат да ја задржат тежината или да ослабат бидејќи не содржат многу калории. Овој зеленчук се смета за нискокалоричен благодарение на неговата висока содржина на вода, а ви помага да останете хидрирани и да се чувствувате сити со часови по оброкот.

Содржат голем процент на влакна

Овој омилен зеленчук содржи висок процент на диетални влакна кои промовираат редовно празнење на дебелото црево и помагаат да се спречи запек. Влакната во тиквичките помагаат и во регулирањето на нивото на шеќер во крвта и може да помогне да се намали ризикот од развој на срцеви заболувања.

Го поддржуваат здравјето на срцето

Тиквичките содржат калиум и магнезиум, кои се корисни за здравјето на срцето, пренесува Health Shots. Калиумот помага во регулирањето на крвниот притисок, додека магнезиумот го поддржува нормалниот срцев ритам и мускулната функција.

Го поддржуваат здравјето на очите

Тиквичките се богати со витамин А и лутеин, кои се многу важни за одржување на здравјето на очите. Овие соединенија во тиквичките може да го намалат ризикот од болести на очите поврзани со возраста, како што се катаракта и макуларна дегенерација.

Познати по своите антиоксидантни својства

Тиквичките содржат антиоксиданси, вклучувајќи витамин Ц и бета-каротен, кои помагаат во заштитата на клетките од оштетување предизвикано од слободните радикали. Редовното консумирање на овој зеленчук може да помогне да се намали развојот на одредени болести, пренесува Health Shots.

Можете да прочитате

Позната српска водителка пронајдена мртва во стан во Белград

Овие три навидум здрави намирници предизвикуваат дебелеење

Напиток од лимон и маслиново масло за здрав црн дроб