Утрински Весник
Свет

Песков: Русија има што да разговара со Зеленски, за тоа како ќе се исполнат нашите услови

Песков: Русија има што да разговара со Зеленски, за тоа како ќе се исполнат нашите услови

Портпаролот на Кремљ Дмитриј Песков денеска изјави дека Русија има за што да разговара со претседателот на Украина Володимир Зеленски, а тоа е начинот на кој ќе се применат руските услови за решавање на ситуацијата во Украина.

dobivaj vesti na viber

На прашањето на новинар од телевизискиот канал „Русија-1“ дали Москва има за што да разговара со Зеленски по неговите изјави дека „не е подготвен да ја реши ситуацијата по мирен пат“, Песков одговори потврдно.

„Секако, треба да разговараме како ќе се исполнат нашите услови“, одговори Песков, пренесува ТАСС.

Тој додаде дека руските услови „апсолутно“ останале непроменети.

„Специјалната операција се одвива според планот, сите цели ќе бидат исполнети“, рече Песков.

Тој рече дека секоја криза завршува на преговарачка маса, а секој конфликт завршува со смирување на тензиите. Така ќе биде и сега. Малку е веројатно дека ќе се случи наскоро, поверојатно е дека ќе се случи подоцна, но дефинитивно ќе се случи“ – рече Песков.

Можете да прочитате

САД подготвуваат предлог-закон за санкции од 500 отсто за земји што купуваат руска енергија

САД воведуваат 35 отсто царини за Канада, Трамп најавува тарифи за повеќето трговски партнери

Трамп: Во понеделник „голема изјава“ за Русија