Скопските пензионери денеска излегоа на протест со барање за покачување на минималната пензија во согласност со минималната плата и линеарно зголемување на сите пензии.
Тие на протестот што се одржа во Паркот на жената борец истакнаа дека не се работи за партиски протест, туку за егзистенцијален. Пензионерите посочија дека моментната висина на пензиите не е доволна за пристоен живот.
За наредната недела најавија помасовен протест со пензионери од повеќе градови.
Денеска, на протест излегоа и кавадаречките пензионери. Тие упатија барање за линеарно покачување на пензиите, а минималната да не е помала од 20 илјади денари.
Пензионерите од Кавадарци повикаа на помасовен протест в петок.
